Vie de saint Léger
7
pages
Français
Documents
Le téléchargement nécessite un accès à la bibliothèque YouScribe Tout savoir sur nos offres
7
pages
Français
Ebook
Le téléchargement nécessite un accès à la bibliothèque YouScribe Tout savoir sur nos offres
La Vie de Saint Léger, évêque d'Autunvers 980IDomine Deu devemps lauder,Et a sos sancz honor porter.In su' amor cantomps dels sanz,Quœ por lui augrent granz aanz;Et or es temps et si est biensQuœ nos cantumps de sant Lethgier.IIPrimes didrai vos dels honorsQuœ il awret ab duos seniors;Aprés ditrai vos dels aanzQue li suos corps susting si granz,Et Ewruïns, cil Deu mentiz,Que lui a grant torment occist.IIIQuant infans fud, donc a ciels temps,Al rei lo duistrent soi parent,Qui donc regnevet a ciel di,Cio fud Lothiers, fils Baldequi.Il l'enamat, Deu lo covit,Rovat que letres apresist.IVDidun, l'ebisque de Peitieus,Lui·l comandat ciel reis Lothiers.Il lo reciut, tam ben en fistAb u magistre sempre·l mist,Qui llo doist bien de ciel savierDon Deu serviet por bona fied.VEt cum il l'aut doit de ciel art,Rende·l qui lui lo comandat.Il lo reciu, bien lo nodrit;Cio fud lonx tiemps ob se lo·s ting.Deus l'exaltat cui el servid,De sanct Maxenz abbas divint.VINe fud nuls om del son juventQui mieldre fust donc a ciels tiemps;Perfectus fud in caritet,Fid aut il grand et veritiet,Et in raizons bels oth sermons;Humilitiet oth per trestoz.VIICio sempre fud et ja si erQui fai lo bien, laudaz en er;Et sanz Letgiers sempre fud bons,Sempre fist bien o que el pod.Davant lo rei en fud laudiez;Cum il l'audit, fu li'n amet.VIIIA se·l mandat et cio li dist,A curt fust, sempre lui servist.Il l'exaltat e l'onarat,Sa gratia li perdonat,Et hunc tam ...
Voir
La Vie de Saint Léger, évêque d'Autun
vers 980
Domine Deu devemps lauder, Et a sos sancz honor porter. In su' amor cantomps dels sanz, Quœ por lui augrent granz aanz; Et or es temps et si est biens Quœ nos cantumps de sant Lethgier.
Primes didrai vos dels honors Quœ il awret ab duos seniors; Aprés ditrai vos dels aanz Que li suos corps susting si granz, Et Ewruïns, cil Deu mentiz, Que lui a grant torment occist.
Quant infans fud, donc a ciels temps, Al rei lo duistrent soi parent, Qui donc regnevet a ciel di, Cio fud Lothiers, fils Baldequi. Il l'enamat, Deu lo covit, Rovat que letres apresist.
Didun, l'ebisque de Peitieus, Lui·l comandat ciel reis Lothiers. Il lo reciut, tam ben en fist Ab u magistre sempre·l mist, Qui llo doist bien de ciel savier Don Deu serviet por bona fied.
Et cum il l'aut doit de ciel art, Rende·l qui lui lo comandat. Il lo reciu, bien lo nodrit; Cio fud lonx tiemps ob se lo·s ting. Deus l'exaltat cui el servid, De sanct Maxenz abbas divint.
I
II
III
IV
V
Ne fud nuls om del son juvent Qui mieldre fust donc a ciels tiemps; Perfectus fud in caritet, Fid aut il grand et veritiet, Et in raizons bels oth sermons; Humilitiet oth per trestoz.
Cio sempre fud et ja si er Qui fai lo bien, laudaz en er; Et sanz Letgiers sempre fud bons, Sempre fist bien o que el pod. Davant lo rei en fud laudiez; Cum il l'audit, fu li'n amet.
A se·l mandat et cio li dist, A curt fust, sempre lui servist. Il l'exaltat e l'onarat, Sa gratia li perdonat, Et hunc tam bien que il en fist, De Hostedun evesque en fist.
Quandius visquet ciel reis Lothiers, Bien honorez fud sancz Lethgiers. Il se fud morz, damz i fud granz. Cio controverent baron franc, Por cio que fud de bona fiet, De Chielperig fesissent rei.
Un compte i oth, pres en l'estrit; Ciel eps num auret Evruï. Ne vol reciwre Chielperin, Mais lo seu fredre Theoiri. Ne·l condignet nuls de sos piers, Rei volunt fair' estre so gred.
Il lo presdrent tuit a conseil, Estre so gret en fisdren rei; Et Ewruïns ott en gran dol, Porro que ventre no·ls en poth. Por ciel tiel duol rova·s clergier, Si s'en intrat in un monstier.
VI
VII
VIII
IX
X
XI
XII
Reis Chielperics tam bien en fist De sanct Lethgier consilier fist. Quandius al suo consiel edrat, Incontra Deu ben s'i garda, Lei consentit et observat Et son regnét ben dominat.
Ja fud tels om, Deu inimix, Qui l'encusat ab Chielpering. L'ira fud granz cum de senior, Et sancz Lethgiers oc s'ent pauor; Ja lo sot bien, il lo celat, A nuil omne no·l demonstrat.
Quant ciel' irœ tels esdevent, Paschas furent in eps cel di; Et sancz Lethgiers fist son mistier, Missœ cantat, fist lo mul ben. Pobl' et lo rei communïet Et sens cumgiet si s'en ralet.
Reis Chielperics, cum il l'audit, Presdra sos meis, a lui·s tramist; Cio li mandat que revenist, Sa gratia por tot ouist. Et sancz Lethgiers ne·s soth mesfait; Cum vit les meis, a lui ralat.
Il cio li dist et adunat: «Tos consiliers ja non estrai. Meu' evesquet ne·m lez tener Por te qui sempre·m vols aver. En u monstier me laisse intrer, Pos ci non posc, lai vol ester.»
Enviz lo fist, non voluntiers, Laisse l'intrar in u monstier. Cio fud Lusos ut il intrat; Clerj' Ewruï illo trovat. Cil Ewruïns molt li vol miel, Toth per enveia, non per el.
XIII
XIV
XV
XVI
XVII
XVIII
Et sancz Lethgiers fist so mistier, Ewruï prist a castier: Ciel' ira grand et ciel corropt, Cio li preia laissas lo toth. Fus li por Deu, ne·l fus por lui, Cio li preia paias s'ab lui.
Et Ewruïns fist fincta pais; Cio·l demonstrat que s'i paias. Quandius in ciel monstier instud, Cio·l demonstrat amix li fust. Mais en avant vos cio aurez Cum ill edrat por mala fid.
Rex Chielperings il se fud morz; Per lo regnét lo sowrent tost. Vindrent parent e lor amic, Li sanct Lethgier, li Ewruï; Cio confortent ad ambes duos Que s'ent ralgent in lor honors.
Et sancz Lethgiers den fistdra bien, Quœ s'en ralat en s'evesquet. Et Ewruïns den fisdra miel, Quœ donc deveng anatemaz. Son quev que il a coronat Toth lo laisera recimer.
Domine Deu in cio laissat Et a dïable·s comandat. Qui donc fud miels et a lui vint, Il voluntiers semper reciut. Cum fulc en aut grand adunat, Lo regne prest a devastar.
A foc, a flamma vai ardant Et a gladies percutan. Por quant il pot, tan fai de miel; Por Deu ne·l volt il observer. Ciel ne fud nez de medre vius Qui tal exercite vidist.
XIX
XX
XXI
XXII
XXIII
XXIV
Ad Ostedun, a cilla ciu, Dom sanct Lethgier vai asalir. Ne pot intrer en la ciutat; Defors l'asist, fist i gran miel, Et sancz Lethgiers mul en fud trists, Por ciel tiel miel quœ defors vid.
Sos clerjes pres il revestiz, Et ob ses croix fors s'en exit. Porro'n exit vol li preier Quœ tot ciel miel laisses por Deu. Ciel Ewruïns, qual hora·l vid, Penre·l rovat, lïer lo fist.
Hor en aurez las poenas granz Quœ il en fisdra li tiranz. Li perfides tam fud cruels Lis ols del cap li fai crever. Cum si l'aut fait, mis l'en reclus; Ne soth nuls om qu'es devenguz.
Am las lawras li fai talier Hanc la lingua quœ aut in quev. Cum si l'aut toth vituperét, Dist Evvruïns, qui tan fud miels: «Hor a perdud don Deu parlier; Ja non podra mais Deu laudier.»
A terra joth, mult fo afflicz; Non oct ob se cui en calsist. Super lis piez ne pod ester, Que toz los at li condemnets. Or a perdud don Deu parlier; Ja non podra mais Deu laudier.
Sed il non ad lingu'a parlier, Deus exaudis lis sos pensaez; Et si el non ad ols carnels, Encor los ad espiritiels; Et si en corps a grand torment, L'anima'n awra consolament.
Guenes oth num cui·l comandat;
XXV
XXVI
XXVII
XXVIII
XXIX
XXX
La jus en cartres l'en menat; Et en Fescant, in ciel monstier, Illo reclusdrent sanct Lethgier. Domine Deus in ciel flaiel I visitét Lethgier son serw.
La labia li ad restaurat, Si cum desanz Deu pres laudier; Et hanc en aut merci si grand Parlier lo fist si cum desanz. Donc pres Lethgiers a preïer, Poble ben fist credre in Deu.
Et Ewruïs, cum il l'audit, Credre ne·l pot antro que·l vid. Cum il lo vid, fud corroptios; Donc oct ab lui dures raizons. El cors exastra al tirant, Peis li promest ad en avant.
A grand furor, a gran flaiel, Si·l recomanda Laudebert. Cio li rova et noit et di Miel li fesist dontre qu'el viu. Ciel Laudeberz fura buons om, Et sancz Lethgiers duis a son dom.
Il li vol faire mult amet; Bewre li rova aporter. Garda, si vid grand claritet; De cel vindre, fud de par Deu. Si cum roors in cel es granz Et si cum flammes clar ardanz.
Cil Laudeberz, qual hora·l vid, Torne s'als altres, si llor dist: «Ciest omne tiel mult aima Deus, Por cui tels causa vin de ciel.» Por ciels signes que vidrent tels, Deu presdrent mult a conlauder.
Tuit li omne de ciel païs Trestuit apresdrent a venir;
XXXI
XXXII
XXXIII
XXXIV
XXXV
XXXVI
Et sancz Lethgiers lis predïat, Domine Deu il les lucrat. Rendet ciel fruit espiritiel Quœ Deus li auret perdonat.
Et Ewruïns, cum il l'audit, Credre ne·l pot antro que·l vid. Cil biens qu'el fist, cil li pesat; Occidere lo commandat. Quatr' omnes i tramist armez Que lui alessunt decoller.
Li tres vindrent a sanct Lethgier, Jus se giterent a sos pez. De lor pechietz que aurent faiz Il los absols et perdonét. Lo quarz, uns fel, nom a Vadart, Ab un inspieth lo decollat.
Et cum il l'aud tollut lo quev, Lo corps estera sobre·ls piez. Cio fud lonx dis que non cadit; Lai s'aprosmat que lui firid. Entro·l talia los pez dejus, Lo corps estera sempre sus.
Del corps asaz l'avez audit Et dels flaiels que granz sustint. L'anima reciut Domine Deus; Als altres sanz en vai en cel. Il nos aiud ob ciel Senior Por cui sustinc tels passïons!
XXXVII
XXXVIII
XXXIX
XL
