Evangiles en langue dioula

i l i o B ɛ f k o y k e g T z a ɔ ɛ f K o n u b k r t ɛ a b u ɛ k s ɛ L u y b a r t w i a k a ɛ a i t e i a a 1 ɛ n b h Y a a k u k L l ɔ M f U A o e 0 9 / 0 8 / 2 0 1 7 vi si o n n e u se . f r e e . f r / D Y U / L U K . xm l Luka 1 Ne tericɛ nyuman Teyofili, ko minw kɛra an fɛ yan, ne bɛ o kow le sɛbɛra ka o ci i ma. Mɔgɔ caman fana ka o ko kibaro sɛbɛ ka ban. 2 Mɔgɔ minw ka Yesu ta kow ye o nya ra kabini a damina ra, ani Ala ta Kuma waajuri baara karifara o ma, olugu ka o kow lakari an ye cogo min na, a sɛbɛbagaw ka a sɛbɛ ka kanya ni olugu ta kuma le ye fana. 3 O le kosɔn, Teyofili, ne fana ka nyininkari kɛ o kow ra kabini a damina ra, ka o kow bɛɛ sɛgɛsɛgɛ, k'a ye ko a ka nyi ne fana ye a sɛbɛ i ye k'a gban gban nyɔgɔn na; 4 janko i y'a lɔn ka la a ra ko i karanna ko minw na Yesu ta ko ra, ko o ye can le ye jate. 5 A kow daminana wagati min na, o y'a sɔrɔ Herodi* le tun ye Zude masacɛ ye. Sarakalasebaga* dɔ tun bɛ yi, a tɔgɔ ye ko Jakariya; a tun bɛ Abiya ta sarakalasebagaw ta jɛnkuru le ra. A ta muso tɔgɔ tun ye ko Elizabɛti; Elizabɛti tun ye sarakalasebaga kuntigiba Haruna ta duruja dɔ le ye. 6 Jakariya ni a ta muso Elizabɛti, o fla bɛɛ tun terennin lo Alasira kan; o tun bɛ Matigi Ala ta cifɔninw ni a ta sariya sigininw bɛɛ tagama k'a nya. 7 Nka den tun tɛ o fɛ Elizabɛti ta denworobariya kosɔn. O mɔgɔ fla bɛɛ tun kɔrɔra fana. 8 Ayiwa, lon dɔ, Jakariya tun bɛ saraka lasera Ala ma, sabu a da tun sera ale ni a ta jɛnkuru le ma.