Nouvelle de la venue de la reine d’Algier à Rome

Variétés historiques et littéraires, Tome IXNouvelle de la venue de la Royne d’Algier à Rome, et du baptesme d’icelle et de ses six enfans et des dames de saCompagnie.1587Nouvelle de la venue de la Royne d’Algier à Rome, et dubaptesme d’icelle et de ses six enfans et des dames de saCompagnie, avec le moyen de son départ, le tout prins ettraduict de la copie italienne imprimée à Milan parBarthelemy Lavinnon, en ceste année 1587.À Paris, chez Gabriel Buon, au cloz Bruneau,à l’enseigne S. Claude.1587.Avec Permission.1In-8 .Monseigneur, dimanche dernier, qui fust le quatriesme d’octobre, jour dedié à lafeste du glorieux confesseur S. François, print port au lieu du Tybre appelé Ripa unbrigantin tout neuf, dans lequel estoit une très belle et très vertueuse dame, que l’ondict estre la royne d’Algier, accompagnée de vingt-deux personnes ; c’est àsçavoir : de huict esclaves chrestiens et six enfans avec leurs nourrices, et aultres2dames ses gouvernantes et un frère de son mary . Ceste dame, poussée de l’espritde Dieu, ne se souciant des grandeurs et dignitez mondaines, pourveu qu’ellepeust acquerir le royaume eternel de paradis, se resolust depuis n’aguières dequitter son mary, du quel elle estoit autant aimée qu’autre dame qu’il eust enmariage (si l’on peut dire mariage qui se faict ainsi parmy les payens), en estantdevenu amoureux pendant qu’elle estoit esclave en Grèce, où il l’achepta pourl’espouser. Ayant donques communiqué ce sien desir à huict ...