Tristan (Thomas d’Angleterre)

Tristan et IseutThomas d’AngleterreSommaire1 Fragment du manuscrit de Cambridge : Le Verger2 Fragment du manuscrit Sneyd: Le mariage3 Fragment du manuscrit de Strasbourg IFragment du manuscrit de Cambridge : Le Verger… Entre ses bras tient la reïne.Bien cuidoient estre a seor.Sorvient i par estrage eorLi rois, que li nains i amene.Prendre les cuidoit a l’ovraine,Mès, merci Deu, bien demorerentQant aus endormis les troverent.Li rois les voit, au naim a dit :“ Atendés moi chi un petit ;En cel palais la sus irai,De mes barons i amerrai :Verront com les avon trovez.Ardoir les frai, qant ert pruvé. ”Tristan s’esvella a itant,Voit le roi, mès ne fait senblant,Car el palès va il son pas.Tristran se dreche et dit : “ A ! las !Amie Yseut, car esvelliez :Par engien somes agaitiez.Li rois a veu qu’avon fait;Au palais a ses homes vait;Fra nos, s’il puet, ensenble prendre,Par jugement ardoir en cendre.Je m’en voil aler, bele amie.Vos n’avez garde de la vie,Car ne porez estre provee...... Fuïr deport et querre eschil,Guerpir joie, siovre peril.Tel duel ai por la departieJa n’avrai hait jor de ma vie.Ma doce dame, je vos pri;Ne me metés mie en obli:En loig de vos autant m’amezComme vos de près fait avez.Je n’i os, dame, plus atendre:Or me baisiés au congie prendre."De li baisier Yseut demore;Entent les dis et voit qu’il plore;Lerment si oil, du cuer sospire:Tendrement dit: "Amis, bel sire,Bien vos doit membrer de cest jorQue partistes a ...