Quora nasquèt la Rosina aviái pas que dètz e uèit ans e son paire èra encara soldat Venguèt un primièr de genièr amb l'annada novèla Polit present caud e redond que lo mètge me pausèt sul ventre Mas aviam pas lo sòu ges de trabalh e la bèba de nòstres parents que trobavan qu'èra foliá de faire un nenet dins aquelas condicions

Niveau: Secondaire, Lycée
1/4 Rosina Quora nasquèt la Rosina, aviái pas que dètz-e-uèit ans e son paire èra encara soldat. Venguèt un primièr de genièr amb l'annada novèla. Polit present caud e redond que lo mètge me pausèt sul ventre. Mas aviam pas lo sòu, ges de trabalh e la bèba de nòstres parents que trobavan qu'èra foliá de faire un nenet dins aquelas condicions. Un matin qu'escotavi la ràdio ausiguèri la nòva que nos deviá cambiar la vida. Un coble de vièlhs, en Losera, cercavan de joines per li assegurar sa garda. Serián lotjats e pagats. Pichòta paga, ben segur, mas coma aviam pas res e que lo gaire val totjorn mielhs que lo res, telefonèri. La votz de la mamet me balhèt fisança. En mai d'aquò èra estrambordada1 d'aprene qu'aviam un nenet. Lo desmainatjament2 foguèt lèu fach d'abòrd qu'aviam pas que tres ropilhas3. De Mende, prenguèrem lo carri que nos pausèt sus la rota davant una crotz de granit ont nos esperava lo papet. Lo cèl borrolejat de nivolassas negras èra mai que menaçós, lo vent èra bavós4, semblava d'aver begut totas las aigas d'aquel país. Aurelian - qu'èra lo nom del papet - se presentèt, carguèt nòstras tres marridas sacas, nos toquèt la man, potonegèt Rosina, nos faguèt montar dins la veitura e diguèt pas pus rès fins a l'ostal.

• los ligams


• una bediga


• passages en bleu pour les séries stg


• encara


• impression d'una bòria


• expression causiretz


• sabèm lo


• borrolejat de nivolassas negras èra


• totas las